Por E.P. | SANTIAGO DE COMPOSTELA | 07/05/2020 | Actualizada ás 14:28
A conselleira de Política Social, Fabiola García, avanzou este xoves que a Xunta fará unha consulta xurídica sobre a constitucionalidade de que sexa o Goberno central o que reparta de forma directa o 0,7% do imposto de sociedades, unha axuda incluída por primeira vez nos Orzamentos Xerais do Estado de 2018, por importe de 34 millóns de euros.
Tal e como lembrou Política Social, o Tribunal Constitucional confirmou en 2017 que a repartición dos fondos do 0,7% do IRPF é unha competencia autonómica, polo que a Xunta consultará agora se esta xurisprudencia é compatible coa proposta de que as axudas con cargo ao 0,7% do imposto de sociedades sexan xestionadas directamente polo Goberno central.
Ademais, Fabiola García lembrou que, na proposta do Executivo estatal, Galicia e outro tres comunidades autónomas reciben un trato "once veces peor que todas as demais comunidades autónomas". A asignación destas comunidades actualízase só o 0,9% correspondente á inflación, mentres que a de todas as demais autonomías crece como mínimo un 11%.
Fabiola García trasladou todas estas cuestións ás entidades sociais que forman o comité de seguimento do 0,7% do IRPF: EAPN-Rede galega contra a pobreza, o CERMI-Galicia, o ONCE, a Cruz Vermella e Cáritas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.