A Xunta insiste en pedir ao Goberno que publique os datos de residencias de maiores por comunidades
"Sen datos expándense os prexuízos, os mitos e as medias verdades, argúe.
Por E.P. | SANTIAGO DE COMPOSTELA | 07/05/2020 | Actualizada ás 16:12
A Xunta, a través da conselleira de Política Social, Fabiola García, volveu insistir este xoves na súa petición ao Goberno central para que publique os datos de impacto da COVID-19 nas residencias de maiores.
O Executivo galego lembra que desde hai un mes as comunidades envían "de maneira uniforme" datos sobre as residencias ao Ministerio de Sanidade dúas veces á semana.
"Sen datos expándense os prexuízos, os mitos e as medias verdades. Os usuarios de residencias, as súas familias e as persoas que traballan nelas merecen contar con información fiable", manifestou a titular de Política Social, que subliña que os datos feitos públicos limítanse ás recompilacións elaboradas polos medios de comunicación.
