Por Europa Press / Redacción | SANTIAGO DE COMPOSTELA | 13/05/2020 | Actualizada ás 10:53
Galicia rexistrou un total de 2,7 millóns de viaxeiros en marzo, o que supón un 47% menos que un ano antes, no primeiro mes do estado de alarma polo coronavirus.
Con todo, este retroceso supón o segundo menor entre as comunidades, só con Canarias cunha caída menos acusada (-47,1%). A media está en España no 54,1% de diminución. O maior descenso prodúcese en Asturias (-56,8%).
A entrada en vigor do decreto do 14 de marzo polo que se declara o estado de alarma para a xestión da situación de crise sanitaria ocasionada polo COVID-19 fixo que moitas empresas pechen ou reduzan a súa actividade, a partir desa data, o que dificultou os contactos do INE coas mesmas.
Segundo explica o INE nunha nota informativa, a taxa de resposta foi "moi aceptable" e situouse nun 81,9%, lixeiramente inferior á do mes de febreiro (84,2%).
Doutra banda, no conxunto de España, o número de viaxeiros que optou por viaxar en avión para desprazarse polo interior do país afundiuse un 59,8% en marzo respecto ao mesmo mes do ano anterior, tras decretarse o estado de alarma pola crise sanitaria, mentres que os que elixiron os trens AVE esborralláronse un 57,2%.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.