Por E.P. | A CORUÑA | 14/05/2020 | Actualizada ás 19:17
O Concello da Coruña anunciou que, ante a situación de estado de alarma provocado pola COVID-19, na que se restrinxe a celebración de actos públicos e cerimonias de carácter civil, se cancela a cerimonia tradicional da función do voto.
Segundo a alcaldesa, Inés Rey, "ante a imposibilidade de levar a cabo este acto, queren trasladar unha mensaxe a todos e todas os coruñeses e coruñesas que, de maneira simbólica, representa o espírito do acto que non se vai celebrar".
"Hoxe sufrimos un asedio máis temible, se cabe, que o de 1589. O inimigo de hoxe é tan perigoso como o daquela e está igual de presente, aínda que non o vexamos, polo que fai máis difícil defenderse", sinala nun comunicado.
Con todo, asegura que "a defensa virá da prudencia, da distancia social, da protección, da hixiene e do coidado, de seguir as normas que farán que todos xuntos, tamén gañaremos esta batalla e a vida volverá encher as nosas rúas, o espazo da cidadanía".
A función do voto lembra a xesta acontecida o 14 de maio de 1589, dez días máis tarde da chegada de máis de cen navíos e de máis de 20.000 homes dispostos a invadir a cidade e o papel de María Pita no acoso da escuadra de Francis Drake.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.