Feijóo di que os mil ERTEs pendentes da Xunta será “algo estemuñal”
O presidente galego asegura que resolve os expedientes nos dez días que establece o Goberno central.
Por Galicia Confidencial | Santiago de Compostela | 17/05/2020 | Actualizada ás 22:20
O presidente da Xunta, Alberto Núñez Feijóo, defendeu este domingo a tramitación dos ERTEs que está facendo o seu executivo a pesar de que hai máis de 1.000 expedientes pendentes de aprobación. Un asunto que para Feijóo é “menor e testemuñal”.
Así, en resposta ao Galicia Confidencial, Feijóo suliñou que a Xunta está resolvendo todos os ERTEs nos prazos de dez días que establece o Goberno central. “Sempre que hai algún atraso será algunha cousa menor ou testemuñal”, apuntou.
Así, insistiu en que o seu goberno traballa “sempre nos prazos” e ademais presumiu de que é unha das poucas autonomías que está adiantando os cartos aos traballadores. “Estamos anticipando os 750 euros das nóminas que están en ERTE e que os traballadores non cobran desde hai un ou dous meses”, dixo.
