Por E.P. | SANTIAGO DE COMPOSTELA | 19/05/2020 | Actualizada ás 17:42
A Deputación de Pontevedra manterá as achegas económicas ás 10 festas de interese turístico da provincia, coas que traballa o ente pontevedrés de cara á súa posible adaptación ás características da 'nova normalidade' naquelas que aínda resten por celebrarse este ano.
Este martes, a deputada de Turismo Ana Laura Iglesias mantivo un encontro telemático con representates das dez festas, coas que o goberno provincial se comprometeu a manter as subvencións económicas, ademais de ofrecer asesoramento para a reformulación de actos, cambios de datas e impulso de actividades de promoción de cara a 2021.
"Estamos nun ano complicado, pero temos o máximo interese en manter as axudas e contribuír no que faga falta para que as festas se adapten tamén á 'nova normalidade' e ás garantías sanitarias", sinalou a deputada, segundo recolle un comunicado da Deputación pontevedresa.
Pontevedra conta desde este ano con seis festas de Interese Turístico Internacional --A Arribada de Baiona, Festa do Cocido de Lalín, Rapa das Bestas de Sabucedo, Corpus Christi de Ponteareas, Romaría Viquinga de Catoira e a Festa do Albariño de Cambados--, ademais do catro que teñen categoría nacional -- Reconquista de Vigo, Festa da Lamprea de Arbo, Festa do Marisco do Grove e Festa da Auga de Vilagarcía--.
ANULADO FESTIGAL 2020
Por outra banda, o Festigal, que ten lugar en Santiago os días 24 e o 25 de xullo desde o ano 2002, non se celebrará este ano "por responsabilidade coa cultura e a saúde pública".
Así o anunciaron os organizadores do festival, Galiza Nova e a Fundación Galiza Sempre, que emprazan ao verán de 2021 para a celebración dun evento centrado na cultura galega que ten lugar cada ano con motivo do Día da Patria.
Con todo, o Festigal avanza que haberá "unha sopresa nas redes sociais" con artistas e seguidores do festival en véspera do próximo 25 de xullo.
Así mesmo, o concurso de bandas 'Novos Valores', que chegaba en 2020 á súa sexta promoción, tamén queda aprazado ao próximo ano, cando os organizadores do festival confían en que se dean as condicións de saúde e seguridade para celebrar eventos deste tipo "con garantías".
FESTIVAL DE ORTIGUEIRA
Outra das citas musicais e festivas do verán galego que tampouco terá lugar este ano pola crise da COVID-19 é o Festival do Mundo Celta de Ortigueira que, con todo, lanzou xa o concurso Runas para grupos noveis de cara á súa edición de 2021.
Este certame co que se pretende descubrir e promocionar novos valores da música celta e folk amplía nesta edición o número de finalistas ata seis bandas que protagonizarán un do cinco días de festival, que a partir do próximo ano contará cunha xornada, bautizada como 'Día Runas'.
As votacións comezarán en redes sociais a partir do 22 de xuño, sete días despois de que se peche o prazo para enviar os traballos para o concurso; e as bandas finalistas serán anunciadas na terceira semana de xullo, datas nas que estaba previsto quue celebrásese o festival.
XORNADAS DEPUTACIÓN DA CORUÑA
Por último, este martes tivo lugar a última das sesións das xornadas organizadas pola Deputación da Coruña para definir as liñas de cara á reactivación turística nas que se destacou a artesanía e a gastronomía como dous elementos a potenciar para dinamizar o sector cun turismo orientado a ofrecer experiencias.
Na súa novena edición, que reuniron nas redes a máis de 50 especialistas e máis de mil oíntes, o Foro Turismo Covid-19 culmuninará cunha última xornada na que se abordarán as principais conclusións extraídas ao longo das sesións.
A profesionalización, o turismo de proximidade, a garantía de seguridade e a calidade forman parte das liñas sobre as que se asentará o turismo 'post-Covid', segundo os participantes, que cren que a provincia coruñesa pode ofrecer experiencias que a diferenza no mercado con base na artesanía e a gastronomía.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.