Por E.P. | A Coruña | 19/05/2020 | Actualizada ás 19:55
A Xunta de Goberno local do Concello da Coruña aprobará este mércores a declaración de 'Cidade 30', o que implica que a limitación xeral de velocidade na cidade será de 30 quilómetros/hora en todas as vías urbanas, coa excepción dalgunhas rúas.
Así ocorrerá no eixo das rúas Sánchez Bregua-Juana de Veiga-Rexedor Somoza-túnel da praza de Pontevedra, que manteñen a velocidade máxima en 50 quilómetros/hora, segundo informa o Concello que explica que as rúas Ramón e Cajal, Fernández Latorre e a avenida de Pérez Ardá ata a rolda de Outeiro tamén seguirán coa mesma limitación.
A rúa Juan Flórez conserva a velocidade máxima de 50 quilómetros/hora, excepto o carril dereito, cuxa velocidade máxima permitida será de 30 quilómetros/hora.
O concelleiro da Coruña de Urbanismo e Mobilidade, Juan Díaz Villoslada, explicou que as vías urbanas de dúas ou máis carrís por sentido de circulación poderán ter unha limitación de 50 quilómetros/hora "e naquelas cuxa configuración o permita, poderanse implantar carrís con limitación de velocidade a 30 quilómetros/hora".
A normativa recolle que nas rúas con plataforma única, a velocidade será de 10 quilómetros/hora, agás o transporte público, que poderá circular a 20 quilómetros/hora.
As novas limitacións de velocidade entrarán en vigor en cada unha das vías no momento en que se coloquen os sinais.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.