Por E.P. | SANTIAGO DE COMPOSTELA | 22/05/2020 | Actualizada ás 18:27
Galicia pechou o primeiro trimestre do ano situándose como a comunidade autónoma que paga antes as súas facturas, segundo os datos facilitados polo Ministerio de Facenda publicados este venres.
En concreto, a Xunta refírese ao 'Informe mensual sobre prazos de pago a provedores e débeda comercial das Comunidades Autónomas', no que se constata un período medio de pago (PMP) de 14,51 dias no caso de Galicia, o tempo máis baixo do Estado.
A Xunta destacou ademais que este indicador supón que se pagou "en menos da metade do tempo" que o conxunto das comunidades, cuxa media se incrementou en 34,98 días.
Os datos de Facenda indican á súa vez que Galicia foi á comunidade con menor débeda comercial de España ao peche do primeiro trimestre. O radio de débeda/PIB situouse en marzo no 0,12%,a máis baixa do Estado e inferior á media autonómica (0,41).
Ao peche dese mes, a débeda comercial do conxunto de autonomías aumentou a 4.575,5 millóns de euros, dos que 70 millóns (O 1,5%) correspondían a Galicia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.