Feijóo ve moi ben as eleccións en xullo “porque haberá festas, comezará La Liga e virán turistas”

O presidente da Xunta, Alberto Núñez Feijóo, está convencido de que xullo é unha moi boa data para facer as eleccións. E, de feito, puxo como argumento que o presidente español, Pedro Sánchez, decida xa permitir a entrada de turistas internacionais ou retomar La Liga.

“O presidente Pedro Sánchez dixo que vai abrir o turismo internacional en xullo, e se hai Liga, e festas, pois tamén se poden facer unhas eleccións democráticas”, dixo.

En todo caso, Feijóo dixo en que el prefire que veñan a Galicia turistas coa mesma situación epidemiolóxica de Galicia pero volveu insistir que iso non depende del, senón do Goberno central, que tamén é que ten a competencia de abrir ou pechar fronteiras. “Supoño que tamén se fixará na situación epidemiolóxica dos turistas de Asia ou de Europa que veñan a España”, apuntou en relación a que se permita a chegada de turistas internacionais tal e como tamén reclamou Pablo Casado.

Bar, bares, gente, personas, persona, turismo en Madrid, turistas, turista