Por Europa Press / Redacción | SANTIAGO DE COMPOSTELA | 27/05/2020 | Actualizada ás 15:48
"A universidade ou é presencial ou non é universidade", dixo o ex rector da Universidade da Coruña, Xosé Luís Armesto, que cargou contra o plan retirado pola Administración autonómica que pretendía privatizar a universidade pública. Así, lembrou que a Xunta "tivo que recular" ante o rexeitamento ao documento para a docencia mixta por parte dos reitores do tres universidades galegas, as centrais sindicais e os colectivos de profesores e investigadores.
Con todo, o exrector da Universidade coruñesa aseverou que a Xunta "volverá" tratar de impulsar un plan que, ao seu xuízo, "dinamita o ensino público" e "vulnera o principo de autonomía universitaria". "É un ataque tremendo á universidade pública. Esperemos que a Xunta teña o valor de estudar a contraoferta", apostilou.
Armesto interviu nunha rolda de prensa telemática tras manter un encontro co comité de reactivación económica e social conformado polo BNG por mor da pandemia. Nela, a portavoz nacional do BNG e candidata á Presidencia da Xunta, Ana Pontón, fixo un chamamento a "blindar nas urnas" a universidade pública para facer fronte a un PP que, segundo a nacionalista, "quere cargarse o sistema".
Pontón tamén advertiu que para facer fronte ao "brutal" impacto na economía da crise do coronavirus son necesarias "medidas e alternativas" que pasan, entre outros ámbitos, pola aposta pola investigación e a innovación da man dun sistema univesitario "público e de calidade".
Neste sentido, lamentou que "a ciencia e a innovación" quedasen "relegadas" en Galicia durante os últimos anos, polo que apelou a reverter a situación con "unhas universidades públicas fortes". "Estes días vimos que o PP quere cargarse o sistema universitario e favorecer intereses privados", incidiu Pontón, que apela a que das urnas salga a partir do próximo 12 de xullo "un goberno que faga xusto o contrario: que aposte polo coñecemento a través dun sistema universitario máis forte".
"Sabemos cal é o modelo do PP e o 12 de xullo temos que facer unha aposta por que a universidade pública blíndese nas urnas. Ese vai ser un dos compromisos do BNG", sentenciou Ana Pontón.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.