Por E.P. | A CORUÑA | 27/05/2020 | Actualizada ás 17:20
A Deputación da Coruña abre o venres o mosteiro de Caaveiro con límite de visitantes e medidas de control sanitario, segundo informa o organismo provincial.
Unha reunión no propio mosteiro con representantes da área de Patrimonio e Contratación da Deputación e os cinco concellos da contorna serviu para concretar as novidades de cara á apertura do monumento que preside o parque natural das Fragas do Eume.
Farao con límite de visitantes, duplicando o transporte público e a sinalización como parte das principais medidas que se activarán para cumprir os protocolos e previr o contaxio do virus.
No que se refire á limitación do aforamento, permitirase como máximo a estancia de 30 persoas no interior do mosteiro, 15 con visita guiada e outras 15 de maneira libre. Ademais, o uso da máscara será obrigatoria no interior e as instalacións estarán sinalizadas coas indicacións sanitarias.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.