A TVG termina o mes de maio como líder de audiencia entre a xente nova

A Televisión de Galicia supera a media de canles autonómicas en 1,8 puntos de cota máis.

Por E.P. | SANTIAGO DE COMPOSTELA | 01/06/2020 | Actualizada ás 19:36

Comparte esta noticia

A Televisión de Galicia rexistrou durante o mes de maio unha cota de pantalla do 9,7% no conxunto do día e dun 10,1% en prime time e foi líder de audiencia entre a mocidade.

Segundo explicaron desde a compañía, a TVG mantivo no mes de maio o liderado das súas franxas informativas de mediodía e foi a canle elixida maioritariamente entre os espectadores de entre 13 e 24 anos.

Entre os 25 espazos máis vistos en Galicia neste mes, só aparecen 5 informativos, todos eles da TVG. Así, 'Galicia noticias', xunto co 'Telexornal mediodia' situáronse entre os seus máximos anuais de audiencia con cotas para o 'Galicia noticias' dun 25,9%, ou de ata o 24,1% para o telexornal.

Nos últimos días do mes, coincidindo coa volta controlada de público aos programas en directo, o prime time da TVG conseguiu cotas próximas ou que superan o 14% con 'Land Rober Tunai Show', 'Luar' e 'Bamboleo'.

En relacion á rede de canles autonómicas reunidos en FORTA, a TVG supera a media de canles autonómicas en 1,8 puntos de cota máis no conxunto do día e 1,6 puntos máis no prime time.

Land Rober con Antonio Resines, Roi Méndez e Luís Iglesia. TVG
Land Rober con Antonio Resines, Roi Méndez e Luís Iglesia. TVG

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 2 comentarios

2 Marta Outeiro

Chamarlle galego ó que se fala na maioría da programación da rtvg (en minúsculas) é pura retranca. Nin a lingua nin o contido son do país. E vai a pior (se é posíbel).

1 uu1

Pois não entendo porque estão tão satisfeitos! Um 10 % sendo o único canal que emite em galego! Segundo o IGE no ano 2018 somando “só galego” e ¨mais galego que castelhano” temos, no total o 51.5%, menores de 15 anos 26%, entre 15 e 29 anos 43%. Façamos as restas, quere dizer que a maioria dos galego falantes vem a tv em castelhano. E isto não é uma crítica a tvg, e a demonstração de que 2 canais de 30 na tdt, a nada nas plataformas digitais, 0 de 4 canais infantis nos leva a ter que mudar de idioma. Queremos galego (ou a variedade do português do Brasil) em todas as televisões.