Os casos de COVID-19 en residencias galegas baixan a 26 usuarios e 17 traballadores
Rexistráronse 6 altas entre os maiores e 8 de traballadores dos xeriátricos
Por Europa Press / Redacción | Santiago de Compostela | 04/06/2020 | Actualizada ás 13:46
Os casos de COVID-19 en residencias de maiores de Galicia baixaron nas últimas horas a 26 usuarios e 17 traballadores, tras rexistrarse 14 altas epidemiolóxicas, segundo os datos trasladados este xoves pola Consellería de Política Social.
Nas últimas horas recibiron o alta 6 maiores de varios centros xeriátricos: 2 da residencia DomusVi Matogrande, un do Fogar Bellolar, un usuario do Portazgo, outro de Caser A Zapateira e outro da Fundación José Otero de Santiago.
Co último balance, redúcense a 26 os usuarios de residencias afectados: 18 no centro Santa Teresa Jornet da Coruña, 2 en Caser A Zapateira, 2 na residencia Concepción Arenal, e un en cada un dos restantes centros afectados (DomusVi Matogrande, O Portazgo, DomusVi San Lázaro e CRAPD I de Vigo).
Con respecto aos traballadores dos xeriátricos, rexistráronse outras 8 altas: 4 traballadores da Fundación José Otero de Santiago, 2 de Galisénior de Ourense, e outros 2 da residencia DomusVi de Cangas.
Tras estas curacións, quedan un total de 17 traballadores afectados: 5 en Santa Teresa Jornet, 4 na nosa Señora da Esperanza de Ourense, 3 en San José Hermanitas de Ourense, 2 en Orpea Culleredo, un en Remanso Claudina-Somoza, outro en San Carlos de Celanova e outro en Caser A Zapateira.
CENTROS DE ATENCIÓN A DISCAPACITADOS
Nos centros de atención a persoas con discapacidade non se produciron cambios nas últimas horas, e segue habendo dous usuarios con COVID-19 (na residencia DomusVi de Bóveda).
En canto aos traballadores destes centros, mantéñense 4 afectados: 2 en Santa María-San Rosendo, un en Monterrei-San Rosendo e outro en DomusVi Bóveda.
