Animan á doazón de sangue por falta de grupos A positivo e 0 positivo
Sanidade lembra que se necesitan entre 400 e 500 doazóns de sangue diarias para garantir o adecuado desenvolvemento da actividade asistencial hospitalaria.
Por E.P. | A CORUÑA | 04/06/2020 | Actualizada ás 16:03
A Consellería de Sanidade anima aos cidadáns a doar sangue con motivo da reactivación da actividade asistencial nos hospitais galegos coa que se prevé un aumento dos compoñentes sanguíneos.
Sanidade lembra que se necesitan entre 400 e 500 doazóns de sangue diarias para garantir o adecuado desenvolvemento da actividade asistencial hospitalaria.
En concreto, aínda que indica que se necesita a colaboración de todos os doantes, especialmente sinala os grupos A positivo (A+) e Cero positivo (0+), con maior prevalencia na poboación galega, porque de tres de cada catro cidadáns correspóndese cun destes dous tipos sanguíneos.
O conselleiro de Sanidade, Jesús Vázquez Almuiña, acudiu este xoves a doar sangue na unidade móbil da Axencia de Doazón de Órganos e Sangue (ADOS) diante do edificio da Consellería.
Con este xesto, explicou Sanidade, quixo animar a participar "activamente" nas campañas de doazón de sangue porque "a reactivación da actividade asistencial sanitaria fai previsible un incremento na demanda de compoñentes sanguíneos por parte dos hospitais galegos".
"CARA MÁIS SOLIDARIA"
A Consellería convidou aos cidadáns a "continuar mostrando a súa cara máis solidaria" durante os próximos meses, ao tempo ha que subliñado a "excelente resposta", con 19.000 doazóns entre o 13 de marzo e o 31 de maio.
Desde o pasado 13 de marzo ADOS estableceu un sistema de cita previa mediante o teléfono gratuíto 900 100 8128 co fin de facilitar a participación dos doantes de sangue e garantir, deste xeito, "a seguridade e accesibilidade ao solidario xesto da doazón".
