O número de falecidos ligados coa COVID-19 en Galicia é de 618 despois de dous días consecutivos sen mortes

Desta forma, o Sergas constata que desde o inicio da pandemia morreron 486 en atención hospitalaria e 132 dentro de residencias de maiores.

Por Europa Press / Redacción | SANTIAGO DE COMPOSTELA | 05/06/2020 | Actualizada ás 20:52

Comparte esta noticia

Os hospitais galegos non comunicaron este venres, por segundo día consecutivo, ningún falecemento, despois de notificar as dúas últimas vítimas mortais ligadas coa pandemia do coronavirus o martes e o mércores desta semana.

En total, en Galicia o número de falecidos ligados co COVID-19 ascende a 618.

Desta forma, o Sergas constata que desde o inicio da pandemia morreron 486 en atención hospitalaria e 132 dentro de residencias de maiores.

Ademais deste venres 5 de xuño, os días sen mortes atribuídas á pandemia en hospitais foron os pasados 29 de abril, 14, 18, 19, 25, 27, 28, 29, 31 de maio, 1 e 4 de xuño.

A PRIMEIRA VÍTIMA, O 14 DE MARZO

A primeira vítima mortal deste virus rexistrouse o 14 de marzo, unha muller de 92 anos que se atopaba ingresada no Hospital Povisa de Vigo. Nesa mesma xornada producíase tamén a morte dun home de 81 anos ingresado en Pontevedra e que deu positivo na proba de COVID-19.

Neses días, os primeiros da alerta sanitaria en Galicia, nos que a comunidade contaba con menos de 300 casos activos, houbo dúas xornadas nas que non se rexistrou ningunha morte hospitalaria, o 15 de marzo e o 17 de marzo.

A partir do 18, cando as vítimas mortais en Galicia ascendían xa a catro persoas, os hospitais da comunidade comunicaron falecementos todos os días, excepto en 12 xornadas, incluído este venres.

Profesionais sanitarios traballan nun hospital. FRANCISCO HAVIA
Profesionais sanitarios traballan nun hospital. FRANCISCO HAVIA | Fonte: UNIVERSIDADE DE VIGO

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta