Por Europa Press / Redacción | OURENSE | 11/06/2020 | Actualizada ás 11:24
Os municipios ourensáns de San Cibrao das Viñas e Barbadás rexistraron este xoves, 11 de xuño, de madrugada senllos terremotos de 2,4 graos de intensidade.
Así consta nos rexistros do Instituto Xeográfico Nacional (IGN) recollidos por Europa Press, nos que se indica que o tremor de San Cibrao das Viñas tivo lugar ás 3,12 horas deste xoves con epicentro a sete quilómetros de profundidade.
Mentres, ás 3,13 horas deste xoves rexistrouse outro terremoto da mesma intensidade a oito quilómetros de profundidade no termo municipal de Barbadás.
Ademais, o pasado martes, 9 de xuño, houbo outro terremoto, pero de menor intensidade, no municipio de Baleira (Lugo) de 1,7 graos, a 11 quilómetros de profundidade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.