A Xunta destinará 18.000€ a unha consultoría privada para "optimizar a xestión da auga"

A Consellería de Infraestruturas e Mobilidade da Xunta destinará "case 18.000 euros" á empresa "Sogos Consulting" para "adaptar a xestión do ciclo da auga aos obxectivos da Estratexia Galega de Economía Circular".

A conselleira de Infraestruturas e Mobilidade, Ethel Vázquez, durante a reunión mantida por videoconferencia co presidente da Fegamp, Alberto Varela, e representantes do sector da construción e a arquitectura. CONCHI PAZ | Fonte: XUNTA

A adxudicación, desenvolta a través de Augas de Galicia, contempla unha "optimización das redes de sumidoiros" e a "construcción de infraestruturas máis eficientes para o uso da auga", entre outros obxectivos. Á marxe, segundo informa a Consellería, a empresa adxudicataria -adicada a labores de consultoría e supervisión- ten como obxectivo "identificar" os sistemas de saneamento "máis antigos" para establecer neles "puntos de control".

Finalmente, segundo informan dende a Consellería, a consultoría deberá "identificar accións concretas" concretas para a reutilización da auga, tanto antes de ser vertida á rede de saneamento como unha vez que entra no sistema; e buscar accións para mellorar a xestión da auga subterránea, desde o punto de vista da calidade e da cantidade do recurso.