Por Europa Press / Redacción | MADRID | 11/06/2020 | Actualizada ás 12:23
O Ministerio de Universidades propón alternar a docencia presencial e 'en liña' o próximo curso académico cando o número de estudantes non permita gardar metro e medio de distancia de seguridade nas aulas e instalacións.
Así figura nun documento elaborado polo Ministerio de Sanidade xunto ao departamento que dirixe Manuel Castells con recomendacións "para adaptar o curso universitario 2020-2021 a unha presencialidade adaptada", e onde emprazan ás universidades a realizar "un cálculo de coeficientes de ocupación de cada unha das actividades docentes e investigadoras que se desenvolvan nas súas instalacións".
Nos casos de que esas instalacións non poidan admitir a todos os estudantes respectando ese metro e medio de distancia "as universidades deberían tomar as medidas pertinentes para que se poida levar a cabo de forma 'en liña", apunta o documento, que tamén suxire retransmitir telematicamente esas clases para que as poidan seguir en directo, por videoconferencia, o resto de alumnos da materia.
"Nesta opción, deberían rotarse periodicamente entre os estudantes que reciben o ensino presencialmente e aqueles que a reciben por videoconferencia", limítase a sinalar o documento do Ministerio de Universidades, sen achegar outro criterio para seleccionar aos alumnos que poderían seguir as clases na aula.
Universidades descarta "dobrar as clases por grupos" o próximo curso ante "a escaseza de recursos docentes a curto prazo" porque "implicaría unasobrecarga insoportable para o corpo docente", asegura o Ministerio de Castells, cuxas recomendacións contrastan coas anunciadas este pasado mércores polo Ministerio de Educación e Formación Profesional de Isabel Celaá.
Celaá asegurou que a intención do seu Ministerio é que todos os estudantes das etapas non universitarias poidan regresar ás súas clases o próximo mes de setembro, aínda que para iso sexa necesario habilitar espazos mesmo alleos aos centros educativos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.