Por Europa Press / Redacción | Santiago de Compostela | 16/06/2020 | Actualizada ás 18:42
O presidente do comité de empresa de Navantia Ferrol, Javier Galán (CC.OO.), acusou á sección da CIG no estaleiro público de aplicar "unha estratexia clara, como é o acoso e derriba" cara á súa persoa e o seu sindicato despois das eleccións sindicais.
Galán pronunciou estas palabras no mediodía deste martes acompañado de varios dos seus compañeiros na sede do seu sindicato para responder á CIG, que hai días solicitou a convocatoria dun pleno extraordinario e urxente, ademais de demandar a dimisión do presidente do comité por "actuar por libre" en interlocucións coa empresa e manifestacións públicas.
O presidente do comité de empresa estima que estas acusacións son "froito dunha trama para tentar debilitar" dirixidas á súa persoa que, como lembrou, abandonará a empresa dentro de seis meses como parte do expediente de prexubilacións.
"No fondo talvez o obxectivo é tratar de debilitar o sindicato maioritario, que expón propostas. Queremos negociar e cando estas non van para adiante, tamén propomos mobilizacións, mentres que hai outros que ao único que se dedican, como neste caso a CIG, é a crear lume", sinalou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.