Por Europa Press / Redacción | A Coruña | 16/06/2020 | Actualizada ás 20:06
O Concello da Coruña non permitirá as fogueiras nos espazos públicos, a música en vivo, o corte de vías públicas nin o acceso ás praias da cidade. Si se autorizarán sardiñadas e churrascadas previa comunicación dos locais de hostalaría.
Así o informou a alcaldesa, Inés Rey, a representantes de asociacións veciñais e de hostalaría da cidade nunha reunión para trasladarlles as decisións do goberno municipal en relación coa celebración desta festa.
A rexedora lembrou os anuncios que xa se fixeron públicos como o peche das praias desde aproxidamente as nove da noite do día 23 e a prohibición de facer fogueiras non só nos areais, senón tamén en todo o termo municipal.
Ademais de insistir na necesidade de asumir que este ano o San Xoán será diferente, apelou á responsabilidade individual e colectiva para evitar condutas que poñan en risco a saúde da veciñanza.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.