Por Europa Press / Redacción | Santiago de Compostela | 19/06/2020 | Actualizada ás 18:49
O 19 de marzo, San Xosé (Día do Pai), e o 17 de maio, Día das Letras Galegas, serán festivo autonómicos en 2021, segundo a proposta de calendario laboral analizada este venres polo Consello da Xunta. Cando un festivo estatal obrigatorio coincide en domingo, cada comunidade pode substituílo por outro, o que ocorre en 2021, xa que o 15 de agosto substitúese polos Días das Letras.
Pola súa banda, entre os festivos estatais de carácter opcional, o 25 de xullo, Día de Galicia, coincide en domingo en 2021 ao ser ano Xacobeo, polo que Galicia opta por escoller San Xosé, 19 de marzo, no canto de San Xoán --24 de xuño--.
A normativa estatal fixa 14 festivos anuais de carácter obrigatorio: 12 marcados polo Estado e dous elixidos polos concellos.
Entre estes 12 festivos, hai nove de carácter obrigatorio e non substituíbles a non ser que coincidan en domingo: 1 de xaneiro, Venres Santo (2 de abril de 2021), 1 de maio, 15 de agosto, 12 de outubro, 1 de novembro, 6 de decembro, 8 de decembro e 25 de decembro.
En 2021, hai un festivo estatal que coincide en domingo, o 15 de agosto --substituído polos Días das Letras--.
Ademais, outro tres festivos de carácter estatal poden ser substituídos polas comunidades autónomas: o 6 de xaneiro --que nunca se cambia, agás que coincida en domingo--; o Xoves Santo (1 de abril de 2021) --non se cambia tradicionalmente en Galicia--; e elíxese entre o 19 de marzo ou o 25 de xullo --escóllese este último por ser Día de Galicia--.
Esta proposta de calendario laboral para 2021 terá que ser aprobada polo Consello Galego de Relacións Laborais. Posteriormente, cada concello escollerá dous festivos máis.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.