O filme 'María Solinha' arrasa no autocine de Verín

Antes da proxección tivo lugar a gala de presentación da película na que participaron: o seu director, Ignacio Vilar, as actrices protagonistas, Grial Montes e Laura Miguez, Xoán Mariño, xerente da empresa responsable de xestionar o Autocine, Gerardo Seoane e Diego Lourenzo, alcalde e tenente de alcalde do Concello de Verín, e Roberto Verino, en representación da adega Gargalo. Nesta adega estiveron horas antes os protagonistas devanditos, xunto co alcalde e o anfitrión Roberto Verino, para coñecer as instalacións e escenificar o seu compromiso co sector do viño.

Éxito de acollida e do servizo de menús autocine ofrecido polos hostaleiros locais, en colaboración con Rumbo, servizo de mensaxería de creación local que pechaba o súa primeira sesión cun total de 56 menús servidos durante a proxección da película.  

Segundo sinalou o alcalde de Verín, Gerardo Seoane, "estamos máis que satisfeitos coa excelente acollida desta proxección piloto, agora teremos que analizar a viabilidade do proxecto para ver se podemos crear unha programación estable".

A recadación desta sesión destinarase integramente para fins solidarios, concretamente para as actividades de apoio que a asociación Portas Abertas vén realizando cos máis desfavorecidos pola crise social e sanitaria provocada pola Covid19.