Correos abre este mércores festivo as súas oficinas en Galicia para axilizar os trámites do voto
O voto por correo pódese solicitar ata o 2 de xullo.
Por E.P. | SANTIAGO DE COMPOSTELA | 23/06/2020 | Actualizada ás 11:15
Todas as oficinas de Correos en Galicia abrirán este mércores, día de San Xoán e festivo autonómico, para axilizar os trámites do voto por correspondencia con motivo das eleccións do próximo 12 de xullo.
En concreto, a atención ao público será de 9,00 a 14,30 horas. Os puntos de atención con horario reducido manterán o seu horario habitual durante esta xornada. Segundo informaron dende a entidade, a solicitude de voto poderase desenvolver de xeito presencial, nas oficinas postais, pero tamén de forma telemática a través da páxina web www.correos.es mediante firma electrónica.
En ambas as modalidades, o prazo de solicitude esténdese ata o 2 de xullo. Unha vez conformada a solicitude o voto poderá ser despositado ata o venres 10 de xullo ás 14 horas.
GARANTÍAS SANITARIAS
Á marxe de abrir todas as súas oficinas en xornada festiva, Correos quixo manifestar o seu compromiso coa tarefa encomendada subliñando que os distintos trámites do proceso cumplirán todas as garantías sanitarias estipuladas.
