Os casos de Coronavirus en residencias galegas mantéñense en cinco
Rexístraronse catros casos positivos entre usuarios e un positivo nun traballador.
- O brote de coronavirus da Barbanza fai incrementar os casos activos en Galicia
- Galicia encadea unha semana sen falecementos por COVID por primeira vez dende o estado de alarma
Por E.P. | SANTIAGO DE COMPOSTELA | 23/06/2020 | Actualizada ás 13:52
Os casos de COVID-19 en residencias de maiores de Galicia seguen en cinco este martes, ao non haber cambios nas últimas 24 horas, segundo os datos facilitados polas consellerías de Política Social e Sanidade.
En concreto, rexístranse catro casos positivos entre usuarios; tres deles na residencia Santa Teresa Jornet na Coruña e un en Caser A Zapateira en Culleredo.
A estes súmase un positivo dun traballador da residencia Santa Teresa Jornet da Coruña, segundo os datos facilitados este martes pola Xunta.
Desde o sábado 13 de xuño non hai casos positivos, nin de usuarios nin de traballadores, nos centros de atención a persoas con discapacidade da Comunidade galega.
