En Común comprométese a reverter "o desmantelamento" do ensino público no rural

Gómez-Reino visitou o CEIP Frei Luís Granada de Sarria (Lugo), onde os pais demandan unha "reforma integral" do centro

Por E.P. | Santiago de Compostela | 26/06/2020 | Actualizada ás 19:35

Comparte esta noticia

O candidato da coalición Galicia En Común á Presidencia da Xunta, Antón Gómez-Reino, comprometeuse a reverter "o desmantelamento" ao que, di, someteu a Xunta ao ensino no rural durante a etapa de Alberto Núñez Feijóo como presidente.

O candidato de Galicia En Común-Anova Mareas, Antón Gómez-Reino, con membros da plataforma en defensa do CEIP Frei Luís de Granada de Sarria.
O candidato de Galicia En Común-Anova Mareas, Antón Gómez-Reino, con membros da plataforma en defensa do CEIP Frei Luís de Granada de Sarria.

Díxoo en Sarria, onde este venres visitou xunto ao número uno da coalición pola provincia luguesa, Miguel Anxo Fernán-Vello, as instalacións do CEIP Frei Luís Granada acompañado polos pais e nais organizados nunha plataforma que reclama unha reforma integral do centro ante as deficiencias estruturais que presenta.

A plataforma denuncia que a Consellería de Educación "está a ocultar datos" sobre o proxecto de reforma do centro no que, segundo sosteñen, "levan facendo parches desde 2009".

Neste sentido, a ANPA do colexio denuncia que a solución posta sobre a mesa pola Xunta foi "recolocar" o alumnado nun antigo centro "en desuso e sen as condicións adecuadas ou repartilos por colexios da contorna".

Durante a visita, tras ver as fotos do interior do centro achegadas pola plataforma de pais e nais, Gómez-Reino e Fernán Vello dixeron que no CEIP "non se pode exercer a actividade docente".

"O estado no que se atopa o centro é o perfecto exemplo da nula preocupación do señor Feijóo educación pública no rural", sinalou Gómez-Reino, que se comprometeu a impulsar, se alcanza responsabilidades de goberno, un plan de reforma e mellora dos centros educativos de Galicia que retire o amianto das construcións, mellore a súa eficiencia enerxética e elimine barreiras arquitectónicas.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta