Crean unha asociación para defender o patrimonio natural da Costa da Morte

Veciños da Costa da Morte constituíron unha asociación para defender o patrimonio natural da comarca. A Asociación en Defensa da Costa da Morte xorde, como detallan os seus promotores, como reacción "ao anuncio de que a Xunta tallaría o Monte Pindo", un dos espazos naturais de refencia na comarca situado no Concello de Carnota (A Coruña).

Por mor desta noticia, un grupo de veciños convocou unha mesa de diálogo na que advertiron da ausencia dunha entidade social a nivel comarcal que "sirva para coordinar e pór en valor o traballo e as iniciativas" da zona e para "pór o foco sobre os retos e demandas" que están pendentes na Costa da Morte.

Así, marcan como obxectivo "frear" o despoboamento e "a desrucción do seu medio e a súa identidade", así como a reclamar "a débeda histórica que os gobernos teñen con esta comarca".