Falece José Antonio Quiroga, presidente da Cámara de Comercio de A Coruña durante máis de 30 anos
Dende o organismo destacan a "extensa relación de logros" acadados baixo o seu mandato.
Por E.P. | A CORUÑA | 29/06/2020 | Actualizada ás 14:39
A Cámara de Comercio da Coruña trasladou os seus máis "profundas condolencias" á familia de José Antonio Quiroga y Piñeiro, tras o falecemento do que foi presidente do organismo cameral durante máis de 30 anos.
Del, destaca que foi "un exemplo de vocación e compromiso" coa Coruña e con Galicia. "Durante os máis de 30 anos nos que foi presidente da Cámara de Comercio da Coruña, así como os anos nos que desempeñou distintos cargos desta entidade, o seu tesón, a súa forza, a súa constancia e, sobre todo, a súa capacidade de traballo e organización deron como froito unha extensa relación de logros".
Por outra banda, destaca a súa traxectoria á marxe do organismo cameral e que cualifica como "exemplar". "Xa fose como vicepresidente do Consello Superior de Cámaras, dirixindo a primeira fábrica de España de Eléctrodos de Grafito para Fornos Eléctricos, creando o Club de Golf da Coruña, presidindo o grupo Pechiney España, fundando o Hospital Oncolóxico ou pondo en marcha a Academia Galega de Gastronomía", cita como exemplos.
