Debate: un Feijóo ausente non é quen de calar a unha esquerda que presenta a súa alternativa

O presidente estivo incómodo nun formato televisivo a sete que deixou a unha esquerda que se amosou unida fronte a un bloque de dereitas que tivo as súas diferencias. Estrea da ultradereita que pedía que se condene a violencia contra eles, mentres evita condenar a violencia machista.

Por Galicia Confidencial | Compostela | 30/06/2020 | Actualizada ás 01:29

Comparte esta noticia

Foi un debate que se iniciou soso, aburrido, encadrado nun formato difícil de aguantar para os espectadores. Sete líderes políticos con tres horas por diante. Pero a medida que ía pasando o tempo e os candidatos amosaban as súas propostas, ese "rigor mortis" inicial foi mudando e deixou momentos estelares cun líder do PSdeG defendendose a viva voz tras ser atacado simultáneamente por PPdeG, Ciudadanos e Vox, ou un candidato da ultradereita pedindo ao resto que condene a violencia cando Vox non condena nin a violencia machista e menosprecia a figuras como Castelao, que nin ousaba tocar o PPdeG.

Debate da TVG. CRTV
Debate da TVG. CRTV

Pero se algo claro deixou este debate é que, por primeira vez desde hai meses, puidose visibilizar certa unidade dentro dos partidos da esquerda galega que, evitaron, en todo momento, atacarse e mesmo evidenciaron a posibilidade dun goberno tripartito. E o máis incisivo nesa idea foi o candidato de Galicia en Común que repetiu en varias ocasións que a derrota de Feijóo pasa por un goberno progresista na Xunta xunto co PSdeG e BNG.

Todo o contrario do que aconteceu no bloque do centro dereita, dereita e ultradereita que, aínda que gobernan xuntos en varios concellos e autonomías, evitaron falar de futuros pactos e mesmo se atacaron entre si, especialmente, Vox e o PPdeG. E iso que hai uns días Ciudadanos abría esta posibilidade da que a súa candidata evitou falar durante o debate.

A esquerda sabe que a mobilización do voto é fundamental para retirar a Feióo da Xunta. E por iso insistiron en varias ocasións nesta idea. Tanto o candidato socialista, Gonzalo Caballero, como o representante de Galicia en Común-Anova Mareas, Antón Gómez-Reino, repetiron varias veces que se hai mobilización pode haber un Goberno "progresista" tras o 12X.

O único no que non coincidiron é en quen liderará a alternativa. Antón Gómez-Reino foi o único comedido, sabedor, quizais, que pinta pouco na ecuación do cambio. Foron Gonzalo Caballero e Ana Pontón os que competiron en varias ocasións por arrogarse ese liderato da futura coalición, os dous, ao mesmo nivel de decibelios.

PSdG, BNG E GALICIA EN COMÚN

Foi un debate sen un gañador claro, pero no que sorprendeu o candidato socialista, Gonzalo Caballero, que se presentaba como o máis débil da esquerda e cuxa imaxe saíu reforzada tras ser o primeiro que rompeu o xeo, deixando de lado a imaxe institucional, para atacar e defenderse sen pudor das acometidas de Vox, Ciudadanos e mesmo de Feijóo. Unha estratexia que logo seguiron Antón Gómez-Reino, de Galicia en Común; Ana Pontón, do BNG e, mesmo Pancho Casal, da Marea Galeguista.

Ana Pontón tentou manter unha liña institucional que lle funcionou moi ben no anterior debate electoral pero que neste, debido ao encorsetado do formato, non lle resultou doado manter, especialmente, polas críticas cruzadas que lle lanzaron desde Ciudadanos e Vox, lembrándolle continuamente a súa relación con Bildu e ERC.

Tampouco estivo cómodo Antón Gómez-Reino, especialmente ao inicio do debate, aínda que pouco a pouco foi colléndolle os tempos e o xeito ás discusións e acabou acurralando a Feijóo en momentos puntuais, sobre todo, cando lle falou da corrupción do PP ou as súas amistades con Pablo Casado e Marcial Dorado.

OS ARGUMENTOS DE FEIJÓO

O debate tamén serviu para comprobar que a esquerda presenta as cartas boca arriba e non engana a ninguén coa coalición. E, en fronte, está un presidente da Xunta e candidato do PPdeG á reelección, Alberto Núñez Feijóo, que insistiu nunha das súas máximas de campaña: será el ou un "multipartito". Ou el ou o "caos". Un argumento que leva repetindo durante duas lexislaturas consecutivas.

"Eu propoño un Goberno unido. Todos queren ser presidentes e resulta que Galicia necesita un Goberno unido, un presidente non secuestrado. O que quere Galicia é experiencia, non experimentos", repetiu ao tempo que calaba ante as acometidas dos grupos da esquerda que lle pedían unha e outra vez que se pronunciara sobre o pacto que o seu partido ten con Ciudadanos e Vox.  E iso, que o presidente galego buscou distanciarse de Cs e de Vox.

Cs, MAREA GALEGUISTA E VOX

Tamén sorprendeu a contundencia coa que se estreou a candidata de Ciudadanos, Beatriz Pino, que quixo amosar unha imaxe de moderación e contención que non puido manter durante todo o debate e no que buscou, a partes iguais, atacar a socialistas e nacionalistas, conseguindo poñer nerviosos e enfadados aos seus candidatos.

Pola súa banda, Pancho Casal (Marea Galeguista) deu por feito que apoiará calquera proxecto progresista, á vez que avanzou que á súa formación non lle interesa estar en ningún goberno e que o relevante é que no Parlamento haxa representantes dun partido "sen ataduras" desde Madrid.

Ricardo Morado, representante de Vox, insistiu, principalmente, nun argumento: que o resto dos partidos condenaran a violencia que, segundo dixo, se exerce contra o seu partido nesta campaña. Con todo, evitou, ao ser interpelado polo resto dos candidatos, condenar a violencia machista. Tamén protagonizou varios momentos tensos, entre eles, cando acusou, novamente, a Castelao de ser racista e de fomentar o linchamento contra os "patriotas" tras ler un parágrafo do Sempre en Galiza.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 19 comentarios

11 Concordo co nostrus

Lo mejor es votar a C´s ya que con ellos nadie correrá peligro y los naciotas podrán hacer uso de su lengua (y de su nariz) cuanto quieran y obligará a PSOE o a PP a ser sensatos, mientras que si gobierna alguien contaminado por el nacionalismo obligará a los que no sean de su religión a meterse en el armario. Que gobierne el PSOE o el PP con el apoyo de C´s y el resto que se dediquen a vigilar al gobierno. Votar C´s es votar tolerancia, diversidad, bilingüismo, realidad, mestizaje, intercambio cultural, progreso.

10 Alpinista

Patético debate. Imposible confrontar polo rebumbio e o fácil que era escabullirse para os cobardes (e serve tanto para o farsante Feixóo, como para o sucursalista-madrileño Toné e para o neno Caballero, como para a froxa Ana Pontón que xa vai por libre, sen partido, como Feixóo). Dos dous ridículos convidados mellor nin falar (acontece que lles están dando protagonismo, en beneficio a curto prazo do PsoE e socios no negocio para debilitar ao Partido Podre, sen decatarnos dos efectos a longo prazo, pois estamos introducindo veleno que con tempo vai acabar tendo representantes e decisións tráxicas), o terceiro, pobriño, estaba fóra de lugar. Ridículo popurrí de éxitos pasados... Triste oferta!

9 Xian do Sil

La verdad es que el debate estuvo divertido. Posiblemente el peor fue el sobrino de Abel Caballero que trabaja - casualidades de la vida - en el departamento de su tío. Fue el único que entró al trapo que le puso el de Vox, que para ser un novato no lo hizo del todo mal. Pancho hizo bastante el ridículo con su nieta Manuela (la niña de Rajoy). Pontona va mucho a la peluquería sin salir de la consigna inaugurada por Soraya (una mujer presidenta de España/Galicia), Bea estaba presentando las noticias y el niño pijo arreglándose la barba. Feijóo pasó bastante de todos. Ya le dan 42 escaños, y subiendo.

8 nostrus

Lo mejor es votar a C´s ya que con ellos nadie correrá peligro y los naciotas podrán hacer uso de su lengua (y de su nariz) cuanto quieran y obligará a PSOE o a PP a ser sensatos, mientras que si gobierna alguien contaminado por el nacionalismo obligará a los que no sean de su religión a meterse en el armario. Que gobierne el PSOE o el PP con el apoyo de C´s y el resto que se dediquen a vigilar al gobierno. Votar C´s es votar tolerancia, diversidad, bilingüismo, realidad, mestizaje, intercambio cultural, progreso.

1 Amancio

Votar C's es votar tolerancia, diversidad, bilingüismo, realidad, mestizaje, intercambio cultural, progreso e irrelevancia.

7 Hadri

O chiste mais grande foi cando a moderadora dixo que a corporacion de radio tv era neutral ....que lle pregunten os presentadores que levaban anos presentando noticias e foron apartados por non aceptar manipulacions...pena que moita xente cree todo o que lle contan na tele...

1 Casimiro

Concordo. Acontece que a "oposición" non incomodou á moderadora (podían facelo nas declaracións posteriores), nin a dirección da CRTVG. Lembramos que os partidos teñen colocados e ben pagados representantes no consello de administración da CRTVG, cobrando por facer o paripé de controlar ao PP, logo non hai cambio posible: son o mesmo can con distintos colares!