A Diócese de Ourense dixitaliza o "cento por cento" dos seus arquivos e ponos a disposición dos investigadores

A conversión abrangueu máis de 10.000 libros, algúns de ata 500 anos de antigüidade.

Por E.P. | OURENSE | 30/06/2020 | Actualizada ás 11:06

Comparte esta noticia

Os arquivos das 735 parroquias que compoñen a Diocese de Ourense foron informatizados ao  "cento por cento", segundo informou o Bispado de Ourense nun comunicado que destaca a ampla marxe temporal dos documentos recollidos, dende papeis do século XVI a outros de recente inclusión. "Moitos, particularmente os das parroquias das vilas como Ribadavia, Verín, Allariz, Celanova ou Castro Caldelas, incorporáronse os últimos anos", apuntan.

A Diocese de Ourense informatiza o 'cento por cento' do fondo parroquial do arquivo histórico diocesano.. DIOCESE DE OURENSE
A Diocese de Ourense informatiza o 'cento por cento' do fondo parroquial do arquivo histórico diocesano.. DIOCESE DE OURENSE | Fonte: Europa Press

A dixitalización foi desenvolta tendo en conta o "irregular estado de conservación de moitas das pezas", que foron informatizadas para "permitir o seu uso". En total a mostra recompilada  abrangueu un total de 10.150 libros dende partidas sacramentais ata documentos varios de carácter matrimonial, artísticos, persoais e económicos conformados desde o século XVI ao XXI

Dende a Diócese destacan o "valor" dunha recuperación documental da que poderán beneficiarse tanto os membros da curia como dos investigadores, que segundo reportan as autoridades eclesiásticas "son miles os que acoden ao arquivo ou solicitan datos por correo postal", unha vía á que agora se lle unirá o recurso informático. "É posible que sexa a única Diocese de España que lograse este obxectivo", destacan.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta