Unha picadura de abella obriga a mobilizar un helicóptero medicalizado para evacuar unha persoa en Beariz

Unha persoa resultou ferida de consideración tras sufrir unha picadura de abella en Beariz, segundo os datos facilitados polo 112 Galicia.

En concreto, ocorreu preto das 14,00 horas nas proximidades do colexio da localidade e a gravidade da súa situación obrigou ao 061 a mobilizar un helicóptero medicalizado para a súa pronta evacuación.

Ademais, o 112 Galicia pasou o aviso aos efectivos do GES de Avión, aos voluntarios de Protección Civil de Beariz e aos axentes da Garda Civil.