Soben os casos activos de Coronavirus en Lugo e Pontevedra

O número de casos activos de coronavirus en Galicia aumentou en dous ata os 256 este martes, con oito novos na área de Lugo --onde se rexistra un brote na Mariña-- e un en Pontevedra e 7 altas epidemiolóxicas, mentres que as persoas curadas incrementáronse ata as 10.817, o que supón nove máis.

Así se reflicte nos datos actualizados este martes pola Consellería de Sanidade, que sinala que do total de pacientes positivos, sete atópanse en unidades de hospitalización --un máis que este luns-- e 249 en seguimento domiciliario --unha máis respecto da xornada pasada--, mentres que as UCIs galegas seguen sen casos COVID.

Dos 256 casos positivos, 60 corresponden á área de Vigo --uno menos con respecto a este luns--; 24 á da Coruña e Cee --seis menos--; 13 á de Santiago e Barbanza --igual--; tres á de Ourense --sen cambios--; 151 á de Lugo --oito máis--; dous á de Ferrol --igual-- e tres á de Pontevedra --un máis--.

RESIDENCIAS

As residencias de maiores e de atención a discapacidade en Galicia continúan cun caso positivo de COVID-19 que corresponde a un traballador, segundo os datos actualizados este martes polas consellerías de Política Social e Sanidade.