Críticas nas redes pola manipulación que La Voz de Galicia fai do foco de coronavirus na Mariña

O xornal coruñés titula dun xeito completamente diferente na súa edición da Mariña e no resto de edicións do xornal.

Por Galicia Confidencial | A Coruña | 07/07/2020 | Actualizada ás 21:55

Comparte esta noticia

"El brote de virus en A Mariña, bajo control". Ese era o titular co que abría este martes La Voz de Galicia en todas as súas edicións, agás na da Mariña. Pero, curiosamente, ese titular contrasta co que abría a edición da Mariña do mesmo xornal. "A Mariña, con 119 casos activos, confía en frenar el brote esta semana".

Titulares da edición xeral de La Voz de Galicia e a edición do mesmo xornal na Mariña en relación ao coronavirus
Titulares da edición xeral de La Voz de Galicia e a edición do mesmo xornal na Mariña en relación ao coronavirus

É dicir, que o propio xornal se contradí ao sinalar que, por unha banda o brote está controlado, e que pola outra, confía en facelo "esta semana". Obviamente, a liña editorial do medio coruñes, moi próxima ao Partido Popular --e a o que na rede se refiren xa como "La Vox de Feijóo"-- foi moi diferente na totalidade de todas as edicións, agás na da Mariña, lugar onde a veciñanza coñece, perfectamente, a situación que están vivindo.

Por suposto, tal disparidade de criterio no mesmo xornal, fixo saltar os comentarios nas redes sociais. O propio ex alcalde de Lalín, Rafa Cuíña, dicía en Twitter, "quedo sen palabras":

Outros, como Pilar, militante do BNG de Xove preguntábase, "Depende do que entendam eles e o Sergas por control, claro"

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 3 comentarios

3 anonimo

A información de La Voz de Galicia é un insuslto a intelixencia. La Voz converteuse nun panfleto. Eui deixei de ler o periódico e recomendo a xente que faga o mesmo.

2 Braisiño

Jajaja nada extrano.Práctica habitual, pseudoperiodismo sen ética ao servizo de quen lle da bo diñeiro público a cambio de propaganda electoral.

1 Lad

La Coz de Fachicia, a centenaria máquina de estercar o país a pleno rendemento.