Por Europa Press / Redacción | A CORUÑA | 08/07/2020 | Actualizada ás 19:48
O ministro de Sanidade, Salvador Illa, instou á cidadanía a "non ter medo" ao virus, pero a ser "prudentes", durante a súa participación nun acto electoral xunto ao candidato do PSdeG á Presidencia da Xunta, Gonzalo Caballero.
En declaracións aos medios, Illa incidiu en que "haberá brotes e seguirá habendo brotes" e que a clave está en "detectalos precozmente", así como actuando "con contundencia", aínda que lembrou que nestes momentos a toma de decisións é "responsabilidade das comunidades autónomas".
Preguntado se ve adecuado votar nas eleccións autonómicas do 12 de xullo na zona da Mariña --cuxa poboación está confinada por un brote--, manifestou que non lle corresponde a el "decidilo" se non "a quen convocou as eleccións".
Respecto da obrigación de usar a máscara en toda España, incidiu en que o decreto de nova normalidade xa establecía que "era obrigatoria". "Simplemente excepcionados os que por razón médica non poden ou con distancia persoal a un metro e medio", engadiu.
Xa no acto electoral xunto a Gonzalo Caballero, na zona da Torre de Hércules, volveu a facer un chamamento á poboación para que sexan prudentes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.