Activo un incendio en Arteixo e estabilizado outro na Coruña

Un incendio forestal atópase activo en Arteixo, mentres outro está "estabilizado" --aínda sen controlar-- no Concello da Coruña, en Elviña. Segundo informa a Consellería do Medio Rural, "non hai perigo" para as casas na parroquia de Suevos, en Arteixo, aínda que hai "moito vento" que dificulta as tarefas de extinción.

Traballan na zona dous helicópteros, dúas motobombas e cinco brigadas. En Suevos rexistrouse outro lume este luns, pero non forestal senón en terreo agrícola.

Por outra banda, o incendio declarado en Elviña afecta unha hectárea e media. Está estabilizado desde as 19,32 horas.