Interinos denuncian a alta taxa de temporalidade na administración galega
Un grupo de funcionarios interinos protestou mediante uso de cazos para facer ruído diante do Tribunal Superior na Coruña, nunha convocatoria á que asistiron varias decenas de persoas.
Por Galicia Confidencial | A Coruña | 17/07/2020 | Actualizada ás 10:28
Decenas de funcionarios interinos manifestáronse este pasado mércores diante do Tribunal Superior de Xustiza de Galicia (TSXG) convocados pola Plataforma de Empregados Temporais das Administracións Públicas de Galicia (Plategal). O obxectivo era demandar solucións ao seu estado laboral. Durante a concentración, fíxose uso de obxectos para facer ruído e chamar así "atención dos xuíces".
O motivo de chamar a atención diante do TSXG é "a drobre vara de medir" dos xuíces en canto sentenzas a favor da consolidación de postos de persoal interino. "Hai sentenzas ditadas por xuíces distintos en que un declara fixeza do posto e outra sentenza sae negativa para outro traballador".
Sobre este punto, os interinos declaran que esta cuestión relativa ás sentenzas, demostra unha "división entre a xudicatura" para outorgar ou non a consolidación do posto como fixo.
