Un total de 59 persoas estarán illadas en principio ata o martes polo brote de Betanzos
Un destes focos é o dunha familia de catro membros que viven no mesmo domicilio e que se descoñece onde se contaxiaron.
Por Europa Press / Redacción | SANTIAGO DE COMPOSTELA | 18/07/2020 | Actualizada ás 17:57
Un total de 59 persoas manterán o seu illamento polo menos ata o martes en Betanzos tras ter contacto con algún dos positivos do brote rexistrado nesta localidade. Son os que deron negativo nas 60 probas PCR realizadas o xoves e que arroxaron un positivo.
Fontes municipais explicaron que, de acordo coa última actualización das autoridades sanitarias, dada o venres, son 10 as persoas que deron positivo por coronavirus en Betanzos en dous focos distintos.
Un destes focos é o dunha familia de catro membros que viven no mesmo domicilio e que se descoñece onde se contaxiaron. Por outra banda, hai seis casos nun grupo de amigos que conviven e un de cuxos membros estivo a traballar en Lleida, apuntaron as mesmas fontes.
