Por Galicia Confidencial | Ourense | 19/07/2020 | Actualizada ás 12:17
Os tres concellos asinantes do documento sinalan que o SERGAS comezou as análises de compañeiros de traballo dun operario desprazado á comarca por motivos laborais. Con todo sinalan que foron compoñentes de Protección Civil os que informaron ás autoridades municipais das intencións do Servizo Galego de Saúde, e que non foran avisados nin pola Consellería de Sanidade nin pola Xunta.
As accións levadas adiante consistiron en illar a dezaseis persoas que tiveron contacto directo co traballador contaxiado, chegado desde Cataluña. O SERGAS comunicaba o mesmo sábado pasado que as persoas en confinamento eran asintomáticas.
Non obstante, os concellos de A Pobra de Trives, Río e Manzaneda lamentan que non se tivese desprazado un equipo móbil para realizar as PCR. Isto “evitaría o movemento de persoas co conseguinte risco” de contaxio. En concreto, os tres municipios sinalan que dúas persoas da contorna laboral do traballador contaxiado “abandonaron a área sanitaria (de Ourense) por recomendación do SERGAS, sen que ata o de agora se nos comunicase oficialmente”.
Os representantes municipais tampouco saben se os traballadores que se desprazaron fóra da comarca para facer as PCR, volverán á comarca.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.