Por E.P. | PONTEVEDRA | 19/07/2020 | Actualizada ás 16:49
A Deputación de Pontevedra ofrece a próxima semana, a través de SmartPeme, cinco novos talleres formativos en liña, que terán 10 prazas cada un e centraranse en xestión de redes sociais, ferramentas para a mellora da web, ciberseguridade, 'copywritting', ferramentas para empresas turísticas, promoción de empresas e mercadotecnia.
A administración provincial indicou nun comunicado que o luns se impartirá un taller sobre o modelo de negocio, mentres que o martes a formación analizará LinkedIn.
O mércores abordaranse asuntos relacionados coa promoción da empresa nos 'stories' de Instagram, o xoves será a quenda para as infografías e o venres un taller mostrará como usar Google Analytics para tomar decisións.
Todos os talleres impartiranse de 12,00 a 13,00 horas, sinalou a Deputación, que informou, por outra banda, de que o luns 20 retómanse as actividades para as 'Depoandainas', un programa gratuíto para fomentar hábitos saudables e o turismo.
Desde o luns, os interesados poderán inscribirse para o primeiro itinerario, que será o 9 de agosto pola ruta de Muíños da Fraga, en Moaña e ofrece 200 prazas.
A iniciativa viuse modifica debido á crise sanitaria derivada da COVID-19 e este verán ofrece tres camiñadas por enclaves emblemáticos da provincia. Tras o de Moaña, faranse os itinerarios da Fervenza de Callobre, na Estrada, o 30 de agosto e o do carreiro de Fragas e Levadas do río Calvo e Deva, na Cañiza, que será o 20 de setembro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.