O PP recupera o Concello de Laza tras a división no PSdeG

José Ramón Barreal Novo, exalcalde de Laza e voceiro popular, é o novo rexedor da localidade de Laza tras a división dentro do PSdeG e os problemas con Xuntos por Laza, socios de goberno. Barreal volve deste xeito a ocupar o sillón de mando da localidade cos catro votos a favor do seu partido, fronte aos dous de Xuntos.

Estas dúas formacións, que acadaran un pacto de goberno tras as eleccións municipais, sufriron importantes divisións nos últimos meses o que acabou con Xuntos fóra do goberno municipal. De feito, a condición da marea local para volver votar ao PSdeG era que o candidato fora o número dous do PSdeG local, Pablo Pazos.

Finalmente, e ante a falta de acordo, o PSdeG decidiu non presentar ningún candidato á alcaldía o que deixou as mans libres a que José Ramón Rarreal, Moncho, volva a ocupar a alcaldía.  Así, saiu adiante a lista encabezada poLo Partido Popular, con votos ao seu favor dos catro edís. Xuntos por Laza presentou tamén a súa opción, liderada por Jorge Lorenzo. Só obtivo dous votos, os do seus concelleiros. 

 

Nada máis rematar o pleno de elección do rexedor, tal e como apunta o DdT, o que ata o día de hoxe fora alcalde en funcións e segundo pola lista do PSdeG, Pablo Pazos Amado, presentou a renuncia á súa acta de concelleiro.