Comezan o luns as obras de mellora da accesibilidade aos hospitais Clínico, Gil Casares e Conxo, en Santiago
Os accesos sufrirán variacións.
Por E.P. | Santiago de Compostela | 24/07/2020 | Actualizada ás 17:36
Os accesos aos hospitais composteláns sufrirán variacións durante as próximas semanas, xa que o luns, 27 de xullo, comezarán as obras de mellora da seguridade viaria e accesibilidade nos hospitais Clínico, Gil Casares e Conxo.
A Consellería de Infraestruturas inviste 460.000 euros nunhas actuacións que teñen como obxectivo favorecer a mobilidade, tanto de pacientes como de todo o persoal sanitario que se achega cada día ás instalacións destes centros.
En concreto, faranse traballos de mellora do firme, dos aparcadoiros e das beirarrúas. A previsión é que as obras leven o menor tempo posible, con finalización dentro do mes de agosto, de modo que se interfira o mínimo na actividade hospitalaria.
