Colexios profesionais sanitarios homenaxean ás vítimas da COVID-19
A homenaxe será no Pazo de Fonseca, en Santiago de Compostela, o martes 28 de xullo e contará con dúas pezas musicais.
Por E.P. | SANTIAGO DE COMPOSTELA | 27/07/2020 | Actualizada ás 11:40
Os 31 colexios profesionais sanitarios de Galicia organizan este martes, día 28 de xullo, unha homenaxe ás vítimas da COVID-19 cun acto que terá lugar a partir das 11,00 horas no Pazo de Fonseca, en Santiago de Compostela.
O acto, que por primeira vez estará organizado polo total de institucións colexiais, estará conducido polo xornalista da TVG Eduardo Herrero. Nel, un representante de cada colexio leerá parte dun manifesto no que se lembrará ás vítimas e a repercusión da pandemia para os profesionais e a sociedade.
Ademais, ao terminar, a soprano Laura Alonso e o pianista Javier Ares interpretarán dúas pezas musicais coas que se pechará a iniciativa que partiu do Consello Galego de Colexios Médicos e contou co respaldo das profesións sanitarios.
En total, estarán representadas 17 profesións a través de 31 institucións colexiais.
