Por Europa Press / Redacción | SANTIAGO DE COMPOSTELA | 27/07/2020 | Actualizada ás 14:55
O Concello de Santiago fai un balance "moi positivo" do novo formato dos Lumes do Apóstolo a pesar do incendio declarado nas inmediacións do parque Eugenio Granell, un do seis puntos de lanzamento dos proxectís.
Nunha rolda de prensa celebrada este luns tras a xunta de goberno local, o alcalde compostelán, Xosé Sánchez Bugallo, asegurou que o incendio queimou "pura maleza resultado de varios anos sen limpar" nas leiras que se viron afectadas.
Segundo o rexedor, o lume non supuxo ningunha "ameaza" grazas a rápida intervención dos bombeiros, que formaban parte dun "amplísimo dispositivo de seguridade" dentro do seis puntos de lanzamento, dous menos dos previstos tras ser anulados por recomendación da Consellería do Medio Rural ante o alto risco de incendio.
Así as cousas, cre que o formato elixido este ano ofreceu "unha moi boa imaxe" e permitiu que o espectáculo pirotécnico puidera ser gozado en toda a cidade e non só para "as 3.000 persoas" que poderían facelo, en circunstancias normais, se os lumes se lanzaran desde o Obradoiro.
AGRADECEMENTO
Por outra banda, o alcalde santiagués agradeceu o "compromiso" dos reis coa cidade tras a súa participación na ofrenda ao Apóstolo do pasado sábado. Na rolda de prensa posterior á xunta de goberno local celebrada este luns, o rexedor compostelán mostrou a súa confianza en poder pechar a convocatoria do Real Padroado de Santiago antes de que conclúa 2020 para preparar o Xacobeo do próximo ano.
ASCENSO DA SD COMPOSTELA
Ademais, Sánchez Bugallo expresou a súa satisfacción polo ascenso da Sociedade Deportiva Compostela á Segunda División B de fútbol, un logro alcanzado o pasado sábado en Vigo e que pon fin a catro tempadas do club santiagués na Terceira División.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.