Interceptada en Ferrol unha embarcación que empregaba explosivos para pescar

Unha patrulla do Seprona, en colaboración co Servizo de Gardacostas de Galicia, interceptou no Porto de Ferrol a unha embarcación de pesca profesional que utilizaba explosivos para a súa actividade.

No transcurso do rexistro localizáronse varios artefactos explosivos adaptados para o seu uso na actividade pesqueira, polo que os tripulantes da embarcación foron denunciados por unha infracción "moi grave" á Lei de Pesca.

Ademais, para a pesca facían uso da arte denominada 'volantillas' fóra do horario permitido, dado que só se pode practicar durante o día. Procédese ao comiso dos artefactos explosivos así como da pesca obtida, da que se fai cargo o Servizo de Gardacostas de Galicia.