Por E.P. | Santiago de Compostela | 28/07/2020 | Actualizada ás 19:18
O Consello de Ministros aprobou este martes autorizar a Galicia a formalizar operacións de débeda a longo prazo por un máximo de 2.366,86 millóns de euros.
Segundo detalla o Goberno no acordo, autorizouse a Galicia para formalizar operacións de endebedamento a longo prazo por eses 2.366,86 millóns de euros, dos que 2.000 millóns destinaranse á reestruturación dos préstamos do Fondo de Financiamento a Comunidades Autónomas.
Mentres, 366,86 millóns de euros serán para financiar gastos de investimento da Comunidade Autónoma, que non se financiarán con cargo ao compartimento Facilidade Financeira do Fondo de Financiamento a comunidades en 2020.
Esta autorización efectúase en cumprimento do artigo 14 da Lei Orgánica de Financiamento das Comunidades Autónomas (LOFCA) e do artigo 20 e a Disposición Transitoria Terceira da Lei Orgánica de Estabilidade Orzamentaria e Sustentabilidade Financeira (LOEPSF).
A autorización só poderá amparar operacións formalizadas ata o31 de decembro de 2020.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.