Detido un rapaz de 22 anos por vender droga no centro de Pontevedra

A Policía Nacional de Pontevedra detivo a un mozo de 22 anos acusado dun delito de tráfico de drogas pola venda polo miúdo de haxix e marihuana a terceiras persoas que a diario frecuentaban o seu domicilio, no centro da cidade.

As informacións iniciais partiron de axentes policiais doutras unidades que puxeron en coñecemento dos axentes de Prevención da Delincuencia que alguén podería estar a vender droga "polo miúdo" nun piso da cidade. A situación, precisaron, xeraba á veciños "inseguridade", pola "gran afluencia" ao lugar de toxicómanos. A investigación desembocou na incautación de varias vendas de pequenas cantidades de haxix e heroína a outros tantos compradores.

Ademais, os axentes policiais estableceron un dispositivo no que se detivo ao presunto autor por un delito contra a saúde pública. No momento da súa identificación e tras un cacheo de seguridade, os axentes policiais interviñéronlle unha bolsa que contiña marihuana, cun peso de 4,3 gramos, oculta na súa roupa interior.

O detido, de forma voluntaria, fixo entrega aos axentes policiais dunha caixa que tiña no seu domicilio e que contiña unha tableta de haxix cun peso de 97,7 gramos, unha bolsa de plástico con marihuana cun peso de 77,8 gramos e un anaco de haxix cun peso de 12,1 gramos, ademais dos utensilios empregados para a manipulación e pesada das sustancias estupefacentes.