Vendían en hospitais falso xel hidroalćolico feito con augardente galego

A Gada Civil desmantela en Boiro o laboratorio onde o fabricaban.

Por Europa Press / Redacción | SANTIAGO DE COMPOSTELA | 01/08/2020 | Actualizada ás 11:36

Comparte esta noticia

A Garda Civil detivo a dúas persoas na Coruña como responsables dun laboratorio clandestino de falso xel hidroalcohólico, sen poder desinfectante, que mesturaban con augardente e que vendían, principalmente, a centros de saúde e hospitais de toda España.

Foron os usuarios destes os que deron a voz de alarma, con queixas que alertaban do "forte cheiro a augardente" do suposto hidroxel. Os axentes apuntan que este tiña unicamente un 25% de alcol, en lugar do 70% que debería conter como mínimo.

Debido á "necesidade urxente de produto" derivada da pandemia, apunta a Garda Civil, os detidos, que "se ofertaban como químicos con ampla experiencia", puideron "colocalo facilmente, evitando calquera requirimento documental e de calidade". Ademais, segundo comprobaron os axentes, a empresa "carecía das autorizacións oportunas da Axencia Española de Medicamentos e Produtos Sanitarios para fabricar o produto".

No rexistro na nave avícola onde montaran o laboratorio --situada en Boiro (A Coruña)--, a Garda Civil atopou 400 litros do falso xel hidroalcohólico xa envasado. Ademais, incautáronse de 6.400 litros do produto xa distribuído en hospitais e centros médicos de toda a xeografía española.

Nave onde se atopaba o laboratorio clandestino.. GARDA CIVIL
Nave onde se atopaba o laboratorio clandestino.. GARDA CIVIL | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta