Remontan as vendas de coches en Galicia
En xullo vendéronse 4.058 turismos, o que supón un aumento do 16,3% respecto ao mesmo mes do ano anterior.
Por E.P. | Santiago de Compostela | 03/08/2020 | Actualizada ás 16:32
Galicia rexistrou en xullo a venda de 4.058 turismos, o que supón un aumento do 16,3% respecto ao mesmo mes do ano anterior, segundo os datos que publica este luns as asociacións de fabricantes (Anfac), concesionarios (Faconauto) e vendedores (Ganvam).
Trátase da terceira repunta máis intensa en España, onde de media creceron un 1,1%, ata as 117.929 unidades máis, o que supón o primeiro aumento tras comezar a pandemia de coronavirus.
Con todo, no que vai de ano, as entregas de automóbiles no mercado estatao acumulan un volume de 457.782 unidades, o que representa un descenso do 43,3% respecto dos datos rexistrados entre xaneiro e xullo do exercicio previo.
En Galicia, este retroceso foi do 35,3%, con 15.102 coches vendidos entre xaneiro e xullo. De feito, a diminución galega de comercializacións de vehículos é a terceira menor entre comunidades, só por detrás de Cantabria (-33,5%) e A Rioxa (-34,8%).
