Os hostaleiros piden ante o TSXG a suspensión das restricións da Xunta na comarca da Coruña

"Hai empresarios que levantaron o 100% dos ERTE e outros contrataron persoal caro a agosto", denuncian.

Por Europa Press / Redacción | A CORUÑA | 10/08/2020 | Actualizada ás 14:22

Comparte esta noticia

A Asociación Provincial de Empresarios de Hostalaría da Coruña presentará un recurso contencioso-administrativo ante o Tribunal Superior de Xustiza de Galicia (TSXG) para que suspenda de maneira cautelar as restricións ditadas pola Xunta o pasado venres para a comarca da Coruña polo aumento do número de casos de coronavirus.

"Foi un fin de semana moi duro", explica o presidente da entidade, Héctor Cañete, que lembra que o lecer nocturno permaneceu pechado desde o venres e os locais de hostalaría teñen reducido o seu aforamento ao 50% en interior e terrazas e con hora de peche ás 1.00 horas.

"Estas medidas deben emanar a nivel estatal para que teñan cobertura legal", denuncia o representante do sector, que explica que a denuncia é a mesma que presentaron os hostaleiros aragoneses que, di, conseguiron que o xulgado aprobase suspender as restricións "por non estar suficientemente xustificadas legalmente".

De maneira "coordinada", sinala Cañete, están a actuar os hostaleiros tamén de Cantabria ou Asturias para tentar que de maneira "inmediata" queden sen vigor medidas que consideran prexudiciais. "Hai empresarios que levantaron o 100% dos ERTE e outros contrataron persoal caro a agosto", denuncia o dirixente da asociación coruñesa.

Clientes nunha terraza
Clientes nunha terraza | Fonte: EP

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Maruxa

Primeiro a Saúde