Por E.P. | SANTIAGO DE COMPOSTELA | 11/08/2020 | Actualizada ás 14:02
Un total de 29.744 empresas galegas recibiron nos últimos catros meses 4.537,8 millóns de euros en financiamento da liña de avais do Instituto de Crédito Oficial (ICO) habilitada para a recuperación económica ante o impacto do coronavirus.
Segundo informa a Delegación do Goberno nun comunicado, Galicia é a sexta comunidade cun maior financiamento garantido, nunha liña con 100.000 millóns para todo o Estado.
Por provincias, A Coruña tivo un financiamento garantido de 1.853,7 millóns; Pontevedra, 1.659,7 millóns; Ourense, 621,9 millóns; e Lugo, 411,4. A maior parte das operacións avaladas corresponden a persoas que traballan por conta propia e pemes. Este financiamento permite formalizar máis de 44.000 operacións.
Pola súa banda, o Goberno abre unha nova liña de avais para investimentos dotada con 8.000 millóns de euros e a Delegación anima ás empresas galegas a aproveitala.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.