Temas: CRISE AUTóNOMOS

Os autónomos galegos piden prolongar máis os ERTE, reducións na cota e bonificacións fiscais

Avisan de que unha segunda onda de Coviud-19 "levará a moitos autónomos ao peche".

Por Europa Press / Redacción | Santiago de Compostela | 13/08/2020 | Actualizada ás 18:13

Comparte esta noticia

A Federación de Autónomos de Galicia presentou 10 propostas urxentes para contrarrestar os efectos dos brotes no colectivo, que pasan por unha ampliación dos expedientes de regulación temporal de emprego (ERTE) e as axudas específicas para traballadores por conta propia, ademais de reducións na cota que pagan e bonificacións fiscais.

Autónomo.
Autónomo.

A primeira onda da pandemia, destacou, saldouse cun millón de empregos menos, dos cales 135.000 estaban "baixo o paraugas dos autónomos", e unha segunda onda, "sen dúbida, levará a moitos autónomos ao peche" ou a reducir persoal se dan emprego a outras persoas.

O número de autónomos activos reduciuse en 57.423 este verán con respecto ao de 2019 e Galicia perdeu máis de 7.000 entre xuño e xullo, segundo a federación. "O que viviremos a partir do mes de setembro será unha auténtica traxedia", avisa e lanza un "S.O.S. colectivo".

Por iso, propón prorrogar os ERTE "o tempo necesario, mesmo máis aló do ano 2020", en especial en hostalaría e turismo; ampliar a prestación por cesamento de actividade especial; e restablecer a prestación extraordinaria por cesamento de actividade para todos os autónomos non beneficiarios da ordinaria que se vexan afectados por limitacións de actividade polos rebrotes.

Tamén apostan por reducións na cota de autónomos para quen teñan unha caída de ingresos igual ou superior ao 50 por cento no terceiro trimestre e manter a redución durante a metade do ano 2021. Reclaman bonificacións de polo menos o 50 por cento en todos os impostos municipais ligados á actividade; reducir o IVE de produtos e servizos especialmente afectados a crise, e o adiamento automático dos impostos polo menos ata mediados do ano que vén.

Entre as súas propostas están, así mesmo, establecer un sistema de deducións especiais para empresas e autónomos que manteñan o nivel de emprego; crear liñas de financiamento e liquide inmediata específicas; e potenciar os sistemas de substitución xeracional para a continuidade dos negocios.

Temas: CRISE AUTóNOMOS
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta